15 лістапада 2025 года XV Рэспубліканскі фестываль нацыянальных культур завітаў у Мінскую вобласць, і яго гасціннай пляцоўкай стаў горад Узда.

 

Гараджане і госці свята змаглі пазнаёміцца з працамі майстроў дэкаратыўна-прыкладнога мастацтва, нацыянальнай кухняй і сцэнічнай творчасцю прадстаўнікоў разнастайных культур Мінскай вобласці.

 

 

Адборачны тур фестывалю сабраў 12 нацыянальнасцей з усёй Мінскай вобласці. Сярод іх: рускія, украінцы, палякі, малдаване, яўрэі, туркі, рома, армяне, узбекі, азербайджанцы, татары, карякі.

 

Мерапрыемства ў Уздзе стала важным крокам у шэрагу адборачных тураў фестывалю, аб’ядноўваючы людзей праз мастацтва, традыцыі і ўзаемную павагу.