«Святло ўнутры. Поры года вачыма асаблівых дзяцей»

4 лістапада 2025 года на базе Нацыянальнай бібліятэкі Беларусі адбылося мерапрыемства «Святло Ўнутры. Поры года вачыма асаблівых дзяцей», арганізатарам якога выступіла Міністэрства замежных спраў Рэспублікі Беларусь пры ўдзеле прадстаўнікоў замежнага дыпламатычнага корпуса.

 

Рэспубліканскі цэнтр нацыянальных культур прадставіў выставу «Дакрануцца да спадчыны душой», якая раскрывае прыгажосць і багацце традыцый на працягу ўсяго каляндарнага круга. У яе рамках народны майстар Рэспублікі Беларусь па ткацтве Ірына Дернакоўская і майстар выцінанкі Вольга Налівайка правялі майстар-класы і прадставілі персанальныя выставы беларускага дэкаратыўна-прыкладнога мастацтва.