Штогод 28 красавіка ва ўсім свеце адзначаецца Сусветны дзень аховы працы.

Гэты дзень закліканы прыцягнуць увагу да пытанняў бяспекі на працоўных месцах, папярэджання вытворчага траўматызму і прафесійных захворванняў.

 

Тэма 2026 года — «Спрыяльнае псіхасацыяльнае працоўнае асяроддзе: шлях да росквіту работнікаў і моцнай арганізацыі».

 

 

Псіхасацыяльнае працоўнае асяроддзе аказвае вялікі ўплыў на здароўе і дабрабыт работнікаў. Работнікі, якія адчуваюць стрэс на працы, могуць нажыць сабе сур’ёзныя праблемы з псіхічным і фізічным здароўем. Гэта, у сваю чаргу, можа негатыўна паўплываць на стан арганізацыі і грамадства ў цэлым.

 

 

Работнікі могуць адчуваць, напрыклад, наступныя негатыўныя наступствы: выгаранне і дэпрэсію, цяжкасці з канцэнтрацыяй увагі, праблемы дома, злоўжыванне наркотыкамі і алкаголем, дрэннае фізічнае здароўе, асабліва сардэчна-сасудзістыя захворванні і разлады апорна-рухальнага апарата.

 

 

Негатыўныя наступствы на арганізацыйным узроўні ўключаюць у сябе, напрыклад, нізкія агульныя эканамічныя паказчыкі, вялікую колькасць пропускаў працы, працу ў стане хваробы (супрацоўнікі прыходзяць на працу, але яны не ў стане працаваць належным чынам), павелічэнне колькасці няшчасных выпадкаў і траўмаў на працы.

 

 

Калі  забяспечана добрая псіхасацыяльная працоўная серада, то: работнікі здаровыя, і іх праца прадуктыўная; колькасць пропускаў працы з-за стрэсу памяншаецца або пропускі спыняюцца зусім; скарачаюцца таксама эканамічныя страты, выкліканыя зніжэннем прадукцыйнасці працы.

 

 

Важную ролю ў забеспячэнні добрай псіхасацыяльнай працоўнай серады адыгрывае стварэнне здаровых і бяспечных умоў працы, улік фізіялагічных асаблівасцей арганізма работнікаў.

 

 

У цэлым сёння ва ўсім свеце пытанне бяспекі на вытворчасці ўспрымаецца як адна з найважнейшых тэм сферы працы. Асноўны тэзіс — годная праца павінна быць бяспечнай.

 

 

На гэта накіравана праца, што праводзіцца органамі дзяржаўнага кіравання, па рэалізацыі дзяржаўнай палітыкі ў галіне аховы працы, вызначанай Законам Рэспублікі Беларусь «Аб ахове працы», па выкананні патрабаванняў Дырэктывы Прэзідэнта Рэспублікі Беларусь ад 11 сакавіка 2004 г. № 1 «Аб мерах па ўмацаванні грамадскай бяспекі і дысцыпліны».