24 мая 2026 года ў аграгарадку Азярцо ў Беларускім дзяржаўным музеі народнай архітэктуры і побыту прайшла канцэртная праграма «За цыганскай зоркай».

Арганізатарамі выступілі Рэспубліканскі цэнтр нацыянальных культур, Грамадскае аб’яднанне «Ромская дыяспара» і музей народнай архітэктуры і побыту.

 

У праграме выступілі ансамбль цыганскага танца «Чергенори» і сольныя выканаўцы: Аляксандр Пілецкі, Валянціна Кудрэвіч і Янтара.

 

Для наведвальнікаў працавалі фотазоны ў стылі дарожнай рамантыкі, прайшлі майстар-класы па цыганскім танцы. Таксама ўсе жадаючыя маглі пакатацца на конях.

 

Мерапрыемства пазнаёміла гасцей з ромскай культурай, традыцыямі і фальклорам і падарыла шмат яркіх уражанняў.