Аддзел ажыццяўляе дзейнасць па двух накірунках: работа з нацыянальна-культурнымі грамадскімі аб’яднаннямі (далей – НКГА) і работа з грамадскімі аб’яднаннямі беларусаў замежжа (далей – ГАБЗ).
Асноўнымі задачамі дзейнасці аддзела з’яўляюцца:
– рэалізацыя міжнароднага культурнага і адукацыйнага супрацоўніцтва Цэнтра;
– аналіз дзейнасці НКГА і ГАБЗ па захаванні і пераемнасці культурнай спадчыны, стану аматарскай творчасці і выяўлення механізмаў іх падтрымкі і развіцця;
– фарміраванне даведачна-інфармацыйнага фонду аб дзейнасці НКГА і дзейнасці ГАБЗ;
– садзейнічанне ў арганізацыі, каардынацыі і метадычным, інфармацыйным, кансультатыўным забеспячэнні культурнай дзейнасці НКГА ў Рэспубліцы Беларусь і ГАБЗ;
– папулярызацыя творчасці, развіццё і ўмацаванне нацыянальнай самасвядомасці НКГА ў Рэспубліцы Беларусь;
– аказанне практычнай дапамогі і падтрымкі ГАБЗ у захаванні нацыянальна-культурнай ідэнтычнасці.
Асноўнымі функцыямі дзейнасці аддзела з’яўляюцца:
– удзел у абгрунтаванні, распрацоўцы і актуалізацыі планаў, праграм і праектаў па профілю аддзела;
– вывучэнне, збор, назапашванне і сістэматызацыя інфармацыі аб дзейнасці НКГА і ГАБЗ;
– падрыхтоўка справаздач, інфармацый, лістоў і іншых дакументаў, згодна кампетэнцыі аддзела;
– арганізацыя дзейнасці Кансультатыўнага савета пры Цэнтры;
– удзел у арганізацыі, падрыхтоўцы і правядзенні міжнародных, рэспубліканскіх, рэгіянальных мерапрыемстваў з удзелам НКГА і ГАБЗ, і іншых мерапрыемстваў, якія праводзяцца Цэнтрам (фестываляў, конкурсаў, аглядаў, канцэртаў, выстаў, злётаў, спаборніцтваў, сацыякультурных акцый, канферэнцый, семінараў, круглых сталоў і інш.);
– забеспячэнне ГАБЗ, прадметамі дэкаратыўна-прыкладной творчасці, музычнымі інструментамі, дзяржаўнай сімволікай, сувенірнай прадукцыяй, беларускамоўнымі выданнямі, слоўнікамі, фота-, аўдыё-і відэапрадукцыяй;
– удзел у выдавецкай дзейнасці па напрамках дзейнасці аддзела і Цэнтра;
– забеспячэнне ўзаемадзеяння з іншымі ўстановамі і арганізацыямі: падрыхтоўка планаў, праграм ўзаемнага супрацоўніцтва і ўдзел у іх рэалізацыі;
– пашырэнне навуковых, адукацыйных, культурных сувязей з НКГА і ГАБЗ па напрамках дзейнасці Цэнтра.