Дзейнасць клубных устаноў

У сучасным культурным жыцці краіны клубныя ўстановы застаюцца адным з асноўных сацыяльных інстытутаў, якія забяспечваюць захаванне, стварэнне і рас­паўсюджванне культурных каштоў­насцей, фарміруюць духоўныя запатра­баванні, ствараюць неабходныя ўмовы для сацыяльна-­культурнай актыўнасці грамадзян, арганізацыі вольнага часу, павышаюць якасны ўзровень культурнага жыцця насельніцтва.

 

На 1 студзеня  2024 г. у рэспубліцы функцыянуе 2 250 устаноў культуры. За год сетка клубных устаноў рэспублікі скарацілася на 38 адзінак.

 

Праведзена 549 234 мерапрыемства, у тым ліку 147 800 мерапрыемства на платнай аснове. Агульная колькасць наведванняў мерапрыемстваў склала 22 390 623, у тым ліку платных платных 5 577 176.

 

Творчую дзейнасць ажыццяўляюць 17 096 клубных фарміраванняў, якія аб’ядноўваюць 183 955 удзельнікаў. У тым ліку 734 платных клубных фарміравання, якія аб’ядноўваюць 12 819  удзельнікаў.

 

 

У рэспубліцы дзейнічаюць непрафесійныя (аматарскія) калектывы мастацкай творчасці са званнем “народны” ( 1 352), “узорны” (314), “заслужаны” (57).