Дзейнасць клубных устаноў

Аддзел метадычнага забеспячэння дзейнасці клубных устаноў

Асноўнай мэтай дзейнасці аддзела з`яўляецца метадычнае забеспячэнне дзейнасці клубных устаноў і метадычных цэнтраў народнай творчасці (культурна-асветніцкай работы) і правядзенне аналітычна-даследчай работы ў сферы культуры.

Асноўныя задачы:

1 павышэнне ўзроўню аказання метадычнай дапамогі клубам культурнай дзейнасці, удзел у распрацоўцы дзяржаўных і іншых праграм, накіраваных на захаванне, развіццё, распаўсюджванне і папулярызацыю культуры;

2 удасканаленне зместу і арганізацыі культурнага адпачынку (вольнага часу ) насельніцтва, павышэнне яго сацыяльнай значнасці, пошук і ўкараненне новых, эфектыўных форм і метадаў работы з насельніцтвам;

3 распрацоўка арганізацыйна-метадычных і рэпертуарных матэрыялаў па арганізацыі і правядзенні культурных мерапрыемствам, арганізацыі дзейнасці клубных фарміраванняў;

4 вывучэнне і аналіз дзейнасці клубных устаноў па развіцці новых напрамкаў іх дзейнасці, укараненне ў практыку клубных устаноў перадавога вопыту работы;

5 фарміраванне даведачна-інфармацыйнага фонду метадычных матэрыялаў, сцэнарных распрацовак клубных устаноў;

6 садзейнічанне ўкараненню сучасных інфармацыйных тэхналогій у дзейнасць клубных устаноў;

7 арганізацыя канферэнцый, семінараў і іншых мерапрыемстваў па праблемах метадычнага забеспячэння дзейнасці клубных ўстаноў;

8 падрыхтоўка дапаможнікаў, зборнікаў, праграмных праектаў, буклетаў і інш., звязаных з асноўнай праблематыкай аддзела;

9 ажыццяўленне міжнароднага супрацоўніцтва ў мэтах далучэння грамадзян, якія пражываюць у Рэспубліцы Беларусь, да культурных каштоўнасцей сусветнай культуры і інтэграцыі беларускай нацыянальнай культуры ў сусветную культуру і сусветную інфармацыйную прастору.

Дзейнасць клубных устаноў

У сучасным культурным жыцці краіны клубныя ўстановы застаюцца адным з асноўных сацыяльных інстытутаў, якія забяспечваюць захаванне, стварэнне і рас­паўсюджванне культурных каштоў­насцей, фарміруюць духоўныя запатра­баванні, ствараюць неабходныя ўмовы для сацыяльна-­культурнай актыўнасці грамадзян, арганізацыі вольнага часу, павышаюць якасны ўзровень культурнага жыцця насельніцтва.

Клубы і народная творчасць

У 2019 г. сетка клубных устаноў рэспублікі скарацілася на 34 адзінкі (1,5%).

Культурнае абслугоўванне сельскіх населеных пунктаў, якія не маюць стацыянарных устаноў культуры, ажыццяўлялі 108 аўтаклубаў (2018 г. – 106 аўтаклубаў). У 9 раёнах адсутнічае практыка арганізацыі мабільных форм работы з насельніцтвам (аўтаклубаў).

Праведзена звыш 550 тыс. мерапрыемстваў (з удзелам аматарскіх калектываў мастацкай творчасці больш за 120 тыс. канцэртаў і спектакляў, 46 тысяч тэатралізаваных народных святаў і абрадаў, 42 тысячы выстаў твораў народнага дэкаратыўна-прыкладнога мастацтва), у тым ліку больш за 150 тыс. мерапрыемстваў на платнай аснове. Колькасць наведванняў платных мерапрыемстваў склала больш за 5 тыс.

Творчую дзейнасць ажыццяўлялі больш за 20 тыс. клубных фарміраванняў, якія аб’ядноўваюць больш за 200 000 удзельнікаў. Каля 67% клубных фарміраванняў адносяцца да калектываў мастацкай творчасці. У рэспубліцы функцыянуюць 107 Дамоў (цэнтраў) рамёстваў, больш за 2,5 тыс. клубных фарміраванняў па розных відах дэкаратыўна-прыкладнога мастацтва.

У 2019 г. найменне «народны» і «ўзорны» прысвоены 59 калектывам (у сярэднім 8 калектывам у вобласці), адначасова 23 калектыву пазбаўленыя гэтага наймення. Званне «Заслужаны аматарскі калектываў Рэспублікі Беларусь” прысвоена 1 калектыву.

Праведзены 14 фестываляў і конкурсаў народнай творчасці са статусам “рэспубліканскі» і «міжнародны»; распрацаваны і рэалізоўваецца План развіцця і прасоўвання брэндавых рэгіянальных фестываляў народнай творчасці, іншых мерапрыемстваў і нематэрыяльных праяўленняў творчасці ў Рэспубліцы Беларусь.

Метадычныя цэнтры народнай творчасці (культурна-асветніцкай работы)

Мінулы год адзначыўся значнай актывізацыяй работы па метадычнаму забеспячэнню народнай творчасці. Дзяржаўнай установай змешанага тыпу «Рэспубліканскі цэнтр нацыянальных культур» распрацавана Праграма супрацоўніцтва з абласнымі метадычнымі цэнтрамі народнай творчасці (культурна-асветніцкай работы) на 2019-2020 гг., у рамках якой рэалізаваны праекты па распрацоўцы і выданню больш за 200 метадычных і рэпертуарных зборнікаў.

У 2019 г. праведзены культурныя мерапрыемствы ў сувязі з 25-годдзем Рэспубліканскага цэнтра нацыянальных культур, 80-годдзем абласных метадычных цэнтраў народнай творчасці (культурна-асветніцкай работы).

Табліца 1. “Агульныя паказчыкі  дзейнасці клубных устаноў за 2019 год”

Табліца 2. “Агульныя паказчыкі ўстаноў, якія займаюцца клубнай дзейнасцю”

• у лік філіялаў уваходзяць адасобленыя структурныя падраздзяленні