У Рэспубліцы Беларусь пражываюць прадстаўнікі 156 нацыянальнасці, функцыянуе 207 грамадскіх арганізацый і іх філіялаў, якія вядуць актыўную культурна-асветніцкую дзейнасць.
Для забеспячэння падтрымкі і каардынацыі гэтай дзейнасці, аказання арганізацыйна-метадычнай і практычнай дапамогі нацыянальна-культурным грамадскім аб’яднанням (далей – НКГА) у рэалізацыі іх статутнай дзейнасці Загадам Міністэрства культуры №291 ад 22 снежня 1994 года была створана дзяржаўная ўстанова культуры змешанага тыпу «Рэспубліканскі цэнтр нацыянальных культур» (далей – Цэнтр).
У кантакце з Цэнтрам актыўна, ініцыятыўна і плённа працуюць грамадскія аб’яднанні азербайджанцаў, армян, афганцаў, грэкаў, грузінаў, дагестанцаў, яўрэяў, казахаў, карэйцаў, літоўцаў, малдаван, немцаў, палесцінцаў, палякаў, рускіх, татараў, башкіраў, туркменаў, украінцаў, цыганоў, чувашоў, эстонцаў.
Праца з НКГА дае свае станоўчыя вынікі, якія выяўляюцца ў актыўнай культурнай дзейнасці іх прадстаўнікоў. Кожнае НКГА мае магчымасць атрымаць у сферы культуры метадычную, арганізацыйную і іншую падтрымку сваёй дзейнасці (узровень і аб’ём атрыманай падтрымкі часта залежыць ад актыўнасці саміх НКГА).
Штомесяц праводзяцца сустрэчы з кіраўнікамі творчых калектываў НКГА, якія дзейнічаюць пры Цэнтры, па абмене вопытам і каардынацыі сумесных планаў, заслухоўваюцца справаздачы аб дзейнасці і праблематыцы працы.
Большасць мерапрыемстваў праходзіць пры арганізацыйным і метадычным садзейнічанні Цэнтра без прамой фінансавай падтрымкі мерапрыемстваў НКГА з боку дзяржавы, гэта варта разглядаць як сацыяльную інвестыцыю НКГА у захаванне і ўмацаванне міру і ўзаемаразумення ў шматнацыянальнай грамадзянскай супольнасці Беларусі. Тлумачыцца гэта і ростам даверу НКГА да Цэнтра як надзейнага партнёра з боку дзяржавы.
Прыкладам канструктыўнага ўзаемадзеяння і супрацоўніцтва нацыянальных аб’яднанняў паміж сабой і органамі дзяржаўнага кіравання, а таксама дэмакратычнасці адносін стаў Кансультатыўны савет нацыянальных супольнасцей пры Цэнтры.
Савет пры Цэнтры дзейнічае ўжо больш за 20 гадоў. У яго склад уваходзіць 21 прадстаўнік нацыянальна-культурных грамадскіх аб’яднанняў у Беларусі. Форма такога самакіравання сведчыць аб адсутнасці канфрантацыі паміж нацыянальнасцямі, якія пражываюць у рэспубліцы, дае ім магчымасць самім фарміраваць сваю грамадскую дзейнасць, удзельнічаць у сацыяльна-культурным жыцці рэспублікі, сумесна разглядаць і вырашаць праблемныя пытанні, якія ўзнікаюць.
Частата пасяджэнняў Савета – не радзей аднаго разу ў квартал. Асноўны спектр пытанняў – вобласць культурнай дзейнасці НКГА, а таксама найбольш актуальныя праблемныя пытанні ў дзейнасці аб’яднанняў. У якасці запрошаных на пасяджэнні выступаюць прадстаўнікі розных органаў дзяржкіравання, СМІ, устаноў культуры і мастацтваў, эксперты ў галіне нацыянальных адносін і г. д.