Фотарэпартаж фестываля “Вясновы букет” – фотопрактыкума “Пазітыў”
24 мая 2025 года ў Верхнім горадзе адбыўся XVI Рэспубліканскі фестываль-кірмаш народных мастацкіх рамёстваў. Адным з арганізатараў выступіў Рэспубліканскі цэнтр нацыянальных культур. У свяце прынялі ўдзел больш за 300 народных майстроў з усіх куткоў краіны. І хоць ішоў дождж, ён не змог сапсаваць святочны настрой, які стваралі майстры сваімі творамі, і мастацкія калектывы, што выступалі на сцэне.
📸 Удзельнікі фотапрактыкума «Пазітыў» Цэнтральнай бібліятэкі імя Янкі Купалы г. Мінска пабывалі на фестывалі і падрыхтавалі своеасаблівы фотарэпартаж-справаздачу пра свята.
🗣️ «Мы пастараліся з дапамогай нашых работ перадаць святочны настрой удзельнікаў фестывалю і яго гасцей, шматгранную творчасць народных майстроў», — адзначылі ўдзельнікі фотапрактыкума.
🖼️ Выстава размешчана на двух пляцоўках: у Рэспубліканскім цэнтры нацыянальных культур
(вул. Чычэрына, 19)
і ў Цэнтральнай бібліятэцы імя Янкі Купалы г. Мінска
(вул. В. Харужай, 16).
Дата
12.08.2025
Катэгорыя
Падзеі