10 чэрвеня 2025 года ў Рэспубліканскім цэнтры нацыянальных культур адбыўся святочны канцэрт, прысвечаны Дню Расіі, які сабраў аматараў рускай культуры.

 

На сцэне выступіў Народны хор рускай песні імя А. Нікіцінай, а таксама пераможцы і ўдзельнікі I Гарадскога вакальнага конкурсу «Россия в сердце моём». Праграма ўключала выступленні запрошаных артыстаў, якія дабавілі канцэрту разнастайнасці.

 

Сярод гледачоў былі прадстаўнікі дыпламатычнага корпуса Расійскай Федэрацыі ў Рэспубліцы Беларусь, прадстаўнікі СМІ і культурнай супольнасці.

Мерапрыемства падкрэсліла значнасць сяброўства і культурных сувязей паміж народамі.