З радасцю паведамляем, што афіцыйна пачало сваю дзейнасць Грамадскае аб’яднанне «Культурна-асветніцкая арганізацыя казахаў «Достар». Гэта значная падзея стала важным крокам на шляху ўмацавання міжнацыянальнага дыялогу паміж Рэспублікай Беларусь і Рэспублікай Казахстан, захавання казахскай культуры і развіцця асветніцкіх ініцыятыў.

 

Асноўнай задачай аб’яднання з’яўляецца захаванне казахскай мовы, папулярызацыя народных, побытавых і культурных традыцый, фальклорнай творчасці, рамёстваў, песеннага і танцавальнага мастацтва. Асаблівая ўвага надаецца фарміраванню паважлівага і беражлівага стаўлення да гістарычнага мінулага казахскага народа, асабліва сярод моладзі.

Арганізацыя імкнецца пазнаёміць шырокія пласты насельніцтва Беларусі з гісторыяй казахскай мовы, ладам жыцця казахаў, якія пражываюць як на тэр

ыторыі рэспублікі, так і за яе межамі. Акрамя таго, «Достар» будзе спрыяць распрацоўцы і рэалізацыі мэтавых праграм, накіраваных на развіццё мовы, культуры, гістарычнай спадчыны, народнай педагогікі і іншых важных напрамкаў, што садзейнічаюць умацаванню этнакультурнай ідэнтычнасці.

 

Няхай аб’яднанне «Достар» стане жывым мастом паміж пакаленнямі, народамі і культурамі. Жадаем творчага развіцця, яркіх падзей і дасягнення пастаўленых мэт! Няхай кожны праект аб’яднання нясе святло ведаў, павагі і дружбы паміж народамі нашай шматнацыянальнай краіны.