У канцэртнай зале «Мінскканцэрт» адбыўся гарадскі адборачны тур XV Фестывалю нацыянальных культур «Яднанне». У ім прынялі ўдзел прадстаўнікі 23 нацыянальнасцей, сярод якіх — рускія, украінцы, яўрэі, армяне, грузіны, аргентынцы, індыйцы, азербайджанцы, карэйцы, палестынцы і іншыя.

 

У фае была арганізавана выстава дэкаратыўна-прыкладной творчасці, дзе майстры прадставілі традыцыйныя вырабы, што адлюстроўваюць культурныя асаблівасці сваіх народаў.

 

Асноўнай часткай праграмы стаў насычаны канцэрт, у якім удзельнікі прадэманстравалі нацыянальныя танцы, песні і музычныя нумары. Кожны выхад на сцэну — гэта жывое ўвасабленне самабытнасці, традыцый і творчага падыходу.

 

Фестываль працягне сваё шэсце па рэгіёнах Беларусі, яднаючы людзей праз мастацтва, традыцыі і ўзаемную павагу.