ПАЛАЖЭННЕ

аб творчым конкурсе

праектаў зборнікаў рэпертуарных нотных выданняў для аматарскіх калектываў мастацкай творчасці

 

І. Агульныя палажэнні

Творчы конкурс аўтараў і складальнікаў зборнікаў нотных выданняў праводзіцца Рэспубліканскім цэнтрам нацыянальных культур (далей – Цэнтр) з мэтай пашырэння рэпертуарнага зместу непрафесійных (аматарскіх) калектываў мастацкай творчасці, развіцця беларускай песеннай і музычнай творчасці.

 

ІІ. Змест і парадак правядзення конкурса

2.1. Да ўдзелу ў конкурсе запрашаюцца як аўтары музычных  твораў, так і складальнікі зборнікаў песень, танцаў з нотным матэрыялам, якія прызначаюцца для аматарскіх калектываў мастацкай творчасці. У праектах нотных выданняў могуць выкарыстоўвацца творы іншых аўтараў пры ўмове   выканання палажэнняў закона «Аб аўтарскім праве і сумежных правах».

2.2. Матэрыялы на конкурс дасылаюцца да  1 красавіка 2020 г. на адрас Цэнтра: 220029  г. Мінск, вул. Чычэрына, 19. Рэспубліканскі цэнтр нацыянальных культур; rcnk-1994@mail.ru. Даведкі па тэл. +37517 3344694; +375297785698 (Лозка Алесь Юр’евіч).

2.3. У заяўцы ўказваецца прозвішча, імя, імя па бацьку ўдзельніка (аў), месца працы (вучобы), паштовы адрас, кантактны тэлефон, e-mail. Дадаюцца матэрыялы зборніка (не менш 20-ці старонак).

2.4. Матэрыялы прымаюцца ў друкаваным (літаратурны рэдактар Word) і  электронным выглядзе (для нот дапускаецца сканіраванне і рукапіс).

2.5. Журы згодна крытэрыяў якасці і мэтазгоднасці вызначае два пераможцы, работы якіх будуць надрукаваны ў агульным ці асобным зборніку на працягу года, аўтары выданняў атрымаюць ганарар згодна заключанай дамовы. Выдадзеныя зборнікі будуць перададзены для выкарыстання беларускім аматарскім калектывам мастацкай творчасці ў Рэспубліцы Беларусь і ў краіны замежжа.