Вечар усходніх культур
23 снежня 2022 года ў Дзяржаўным музее гісторыі беларускай літаратуры прайшоў “Вечар усходніх культур” у рамках праекта “Пад адзіным небам Беларусі”. Арганізатарамі выступілі Дзяржаўны музей гісторыі беларускай літаратуры і Рэспубліканскі цэнтр нацыянальных культур.
Мерапрыемства распачалося з прывітальных слоў дырэктара музея Усіка Сяргея Іванавіча і дырэктара Цэнтра Якабсон Вольгі Вітальеўны. Падзячнымі лістамі за падтрымку культурнага праекта “Пад адзіным небам Беларусі”, актыўны ўдзел у “Вечары ўсходніх культур”, захаванне і папулярызацыю нацыянальнай культуры ў Рэспубліцы Беларусь былі ўзнагароджаны Пасольства Аб’яднаных Арабскіх Эміратаў у Рэспубліцы Беларусь, Пасольства Ісламскай Рэспублікі Іран у Рэспубліцы Беларусь, Пасольства Дяржавы Катар у Рэспубліцы Беларусь, Пасольства Ісламскай Рэспублікі Пакістан у Рэспубліцы Беларусь, Пасольства Дзяржавы Палесціна ў Рэспубліцы Беларусь, Пасольства Сірыйскай Арабскай Рэспублікі ў Рэспубліцы Беларусь, Міжнароднае грамадскае аб’яднанне “Палестынская абшчына”.
У канцэртнай праграме мерапрыемства прынялі ўдзел лаурэаты Рэсубліканскага фестывалю нацыянальных культур у г. Гродна Тэатр усходняга танца “Тамазур” (кіраўнік Яўгенія Храмцэвіч). Таццяна Крэміс, супрацоўніца Пасольства Ісламскай Рэспублікі Пакістан у Рэспубліцы Беларусь, бліскуча выступіла з песняй на урду “Kahan ho tum chale aao” (“Дзе ты, прыйдзі да мяне”). Прадстаўнікі сірыйскай культуры Хаммуры Мухаммад і Хаммуры Махмуд прадэманстравалі цудоўны інструментальны дуэт на нацыянальных музычных інструментах. У праграме мерапрыемства былі прадстаўлены культуры Аб’яднаных Арабскіх Эміратаў, Алжыра, Егіпта, Іарданіі, Ірака, Катара, Лівана, Палестыны, Пакістана, Сірыі і Туніса.
Пад час мерапрыемства прайшлі дэгустацыя нацыянальных кухань, выстава нацыянальнага сірыйскага касцюма і атрыбутыкі, экспазіцыі выяў катарскай і сірыйскай архітэктуры.
Дзяржаўная ўстанова культуры змешанага тыпу “Рэспубліканскі цэнтр нацыянальных культур” выказвае шчырыя словы падзякі шаноўным Паслам і прадстаўнікам пасольстваў за актыўны ўдзел
у справе захавання і папулярызацыі нацыянальных культур у Рэспубліцы Беларусь!